ഓരോ മനുഷ്യരും ഓരോ ബാങ്ക് ആണ്!!!
സാമ്പത്തികവര്ഷക്കണക്കില് ലാഭനഷ്ടങ്ങള്
കൂട്ടികിഴികാതെ ഓഡിറ്റ് നടത്താതെ അടുക്കും ചിട്ടയും ഇല്ലാത്തതെങ്കിലും ഓരോരുത്തരും
ഒരു ബാങ്ക് ആണ്.യുണിയനും അസോസിയേഷനും ഇല്ലാത്ത എന്നാല്
രാഷ്ട്രീയമുള്ള കാഴ്ചപ്പാടുള്ള ബാങ്ക്-ചിലയിടങ്ങളില് അതും ഉണ്ടാവില്ല.
അവിടെ നിങ്ങള് സ്നേഹത്തിന്റെയും
വെറുപ്പിന്റെയും വാത്സല്യത്തിന്റെയും കാമത്തിന്റെയും അറപ്പിന്റെയും കൊതിയുടെയും
ത്രിഷ്ണയുടെയും അഹങ്കാരത്തിന്റെയും പിന്നെ എണ്ണിയാല് ഒടുങ്ങാത്ത വേറെ എന്തിന്റെ
ഒക്കെയോ അക്കൌണ്ടുകള് തുറകുന്നു.
ചിലത് ഒരു ഇടപാടുകള് ഇല്ലെങ്കിലും എന്നും
പുതുതായി തന്നെ നിലനില്കും. ചിലവ എന്നും ഇടപാടുകള് ഇല്ലെങ്കില് ഡോര്മന്റ്
അല്ലെങ്കില് ഇനോപറേറ്റിവ് എന്നൊകെ കാണിച്ചു തുടങ്ങും.
എന്നിട്ടും നമ്മള് പോലുമറിയാതെ
അക്കൌണ്ടുകള് ഒകെ ക്ലോസ് ചെയ്തു കൊണ്ടുപോകും.
മറ്റു ചിലരുണ്ട്.
എന്നോ തുറന്ന അക്കൌന്റ് ദീര്ഘ കാലം ഇടപാടുകള് സൂക്ഷിക്കും. പയ്യെ പയ്യെ
അക്കൌണ്ടിലെ ഇടപാടുകള് കുറക്കും. പക്ഷെ ഒരിക്കലും ക്ലോസ് ചെയ്യില്ല. ഓരോ വാര്ഷികങ്ങല്കും
കൃത്യമായി അക്കൌണ്ട് പുതുക്കി കൊണ്ടിരിക്കും..ക്ലോസ് ചെയ്തു കൊണ്ട് പോകാന്
നോട്ടീസ് അയച്ചാലും ആള് വരില്ല. ഇനി നമ്മളായി ക്ലോസ് ചെയ്തു കൊടുത്താല് വീണ്ടും
വന്നു അക്കൌണ്ട് തുറക്കും...!!! ഇല്ലെങ്കില് ബാക്ക് ഏന്ഡ് കറക്ഷന് ഒകെ നടത്തി
എങ്ങിനെ എങ്കിലും അവരാ അക്കൌണ്ട് നിലനിര്ത്തും...എന്തിനാണെന്ന് ചോദിച്ചാല്
ചിരിചൊഴിയും..
ചിലരക് ഫിക്സട് ടെപോസിറ്റ് ആണ്
താത്പര്യം. അഞ്ചു വര്ഷത്തേക് തുടങ്ങിയ അക്കൌണ്ട് ചിലപോ രണ്ടു നാള് കഴിഞ്ഞു വന്നു
ക്ലോസെ ചെയ്തു കൊണ്ട് പോകും. രണ്ടു നാളെകുള്ള പലിശ വളരെ കൃത്യമായി കണക്കു പറഞ്ഞു
വാങ്ങാന് മടിക്കാറില്ല!!!
മറ്റ് ചിലര്ക് ടാക്സ് സേവര് മതി.
അതാവുമ്പോള് അഞ്ചു വര്ഷം കഴിഞ്ഞു ക്ലോസ് ചെയ്ത് കൊണ്ടോവാം...എന്നാല് ഫിക്സഡ് ആയി
കിടക്കുകയും ചെയ്യും.
വേറെ ചിലര് ഒരിക്കലും ക്ലോസ് ചെയ്യാതെ
പുതുക്കാതെ അക്കൌണ്ടുകള് അവിടെ തന്നെ വയ്കും. ഒടുക്കം പലിശയുടെ ഭാരം താങ്ങാന്
ആവാതെ വരുമ്പോള് നമ്മള് തന്നെ അക്കൗണ്ട് ക്ലോസ് ചെയ്തു ഒരു ഡ്രാഫ്ടോ ചെക്കോ
അയച്ചു കൊടുകണം. ചിലപ്പോള് ബാങ്ക് നേരിട്റെതിയാലും അവര്ക് അങ്ങനെ ഒന്ന് ഓര്മ
ഉണ്ടാവില്ല... പിന്നെ മറവിയാണ് ഈ ലോകത്തെ ഏറ്റവും വലിയ അനുഗ്രഹമെന്നു
തിരിച്ചറിഞ്ഞു തിരിച്ചു പോകും.
വേറെ ചിലര് ഉണ്ട്. ലോണ് എടുക്കാന്
വരുമ്പോള് എല്ലാ രേഖയും തന്ന്, ലോക കാര്യങ്ങള് സംസാരിച്ച് നമ്മളെ അങ്ങ് കൈയില്
എടുത്തു കളയും. പിന്നെ അഡ്വാന്സ് ഇല്ലാതെ ബാങ്ക് ഉണ്ടോ.ആദ്യമോകെ കൃത്യമായി
തിരിച്ചടകും.പിന്നെ ഓര്മിപ്പികണം എന്ന് വരും.നോട്ടീസ് അയച്ചാല് ഒന്നും ഒരു
പ്രയോജനവും ഉണ്ടാവില്ല.വെറുതെ അയക്കാം എന്ന് മാത്രം. എന്നാലും അയക്കും...ബാങ്ക്
മടുത്തിട്ട് റികവറിക് ചെല്ലുമ്പോള് യോഗമുണ്ടെങ്കില് അങ്ങിനെ ഒരാളേ ഉണ്ടാവില്ല.
എന്നാലും ഇത്തരകാരുടെ സിബിലും ക്രിഫ് റേറ്റിങ്ങും ഒന്നും പെട്ടെന്നങ്ങ് താഴില്ല
കേട്ടോ..!!ബാങ്കിന് ചീത്തപേരാവുന്നത് മിച്ചം!!!
സ്നേഹത്തിന്റെ ഡിപോസിറ്റ് ഇപ്പോള് തീരെ
കിട്ടാതായിരിക്കുന്നു. ഡിപോസിറ്റ് കാന്വാസിങ്ങ് ഒകെ വലിയ പാടാണ്. സോഷ്യല് മീഡിയ
സ്നേഹത്തിന്റെ മൊത്തകച്ചവടം ഏറ്റെടുത്തതോടെ, എല്ലാം വലിയ പാടാണ്.ഇപ്പോള് ആളുകള്ക്
താത്പര്യം മ്യുച്വല് ഫണ്ടിലും ഷയറിലും ഒകെ ആണല്ലോ. റിട്ടേണ് ആണ് പ്രധാനം!!!
ഒടുക്കം ഡിപോസിറ് ഇല്ലാതെ കൊടുത്ത
ലോണുകളുടെ അമിത ഭാരത്തില് റികവര് ചെയാന് മാര്ഗം കാണാതെ ബാങ്ക് പയ്യെ പയ്യെ
തകര്ന് തുടങ്ങും.കിട്ടാക്കടത്തിന്റെ ഭാരം പെരുകി ഞെരുങ്ങി ഇരിക്കുന്നിടത്ത് ആകെ
ഉള്ള ഡിപോസിറ്റ് കൂടി ക്ലോസ് ചെയ്തു പോകുമ്പോള് മെര്ജര് ഒന്നും പരിഹാരം
ആവാറില്ല.....
Comments
Post a Comment